Шымкентте ТМД елдерінің мәдени астанасы жылына дайындық басталып кетті



Шымкент қаласында 2020 жылы аталып өтетін ТМД елдерінің мәдени астанасы жылына дайындық басталып кетті. Облыс әкімі Ж.Түймебаевтың төрағалығымен өткен жиында қаланы жоспарға сай жан-жақты дамыту мәселесі талқыланды. Онда шаһардағы ғимараттардың сәулеттік келбетін ретке келтіру, мәдени нысандар салу, абаттандыру және инфрақұрылымды жетілдіру жайы сөз болды.

Жиынға қала әкімі Н.Сауранбаев пен әкім орынбасарлары және жауапты сала басқармаларының басшылары қатысты.

Шымкент қаласының осындай мәртебеге ие болуы баршамыз үшін үлкен жауапкершілік екенін айтқан аймақ басшысы бұл шараны жоғары деңгейде өткізу үшін дайындықты бүгіннен бастауды тапсырды.

- Ең алдымен қаланы дамыту бойынша іс-шара жоспарын бекітіп, сол бойынша жүйелі жұмыстарды атқару керек. Екінші шаһар аумағын жасыл желекке айналдыру мақсатында арнайы карта әзірлеген жөн. Ал көпқабатты үйлердің қасбетін ретке келтіру жұмыстарын жоспарлы түрде жүзеге асыруларыңыз тиіс. Сонымен бірге қонақтар мен тұрғындар жайлы демалатындай гүлзарлар мен Арбат көшесін салған тиімді. Шымкенттің көне қала екенін айғақтайтын ескі шаһар аумағында жүргізіліп жатқан архелогиялық зерттеуді тоқтатпау қажет, - деді Ж.Түймебаев.

 

Осылайша Шымкент қаласы алдағы үш жылда көркейе түспек. Атап айтқанда қаланың дамуы жаңа бағытта күшейтетін  «Шымкент - Сити» жобасы жүзеге асып,  қала орталығынан Арбат көшесі ұйымдастырылмақ. Ал, Шымкенттегі  ескі қала орнының аумағында археологиялық ашық аспан астындағы музей құрылмақ. Мұнан бөлек, «Шатқал» бағдарламасы бойынша егілген көшеттер 2020 жылға дейін жайқалған жасыл желек және саябаққа айналатын болады. Бұған қоса, алдағы уақытта қаланың жасыл аймағын 18 мың гектарға жеткізу жоспары тұр. Сондай-ақ, барлық ғимараттар жарықпен безендіріліп, шаһардың сәулеттік-көркем жарығы түнгі бейнені жарқын әсерге бөлейтін болады.

Сонымен қатар өңір басшысы облыс орталығының аумағына қосылған жаңа аудандарды абаттандыруды назардан тыс қалдырмауды да тапсырды.


Альянс географиясы



В настоящее время в состав «КазАльянса» вошли более 70 казахстанских студенческих организации из 17-ти стран мира, в том числе из Великобритании, Германии, Ирландии, Испании, Канады, Китая, Малайзии, России, США, Турции, Финляндии, Франции, Чехии, Швейцарии, Южной Кореи.


Дауыс беру



дауыс беру